sábado, julio 21, 2012

Cuasi, cuasi, nel fin del mundu: Vacancias en Xapón

Bonu, cumu creigu que sabedes, esti annu tou de vacancias "esóticas" purque marché "onde Cristu perdiera la sandalia"... ¡¡¡a l'Imperiu Sol Naciente!!!

El viax entamóu a las ochu la mannana del llunes, Xullu y 16, cuandu dimpués d'una nueche ensín dormire, siempres cavilandu pa nun esqueicere nada, subimos al ALSA que, tres cuatru horas na carreteira, diba llevanos ata la T-4, onde'l nuesu vuelu tenía prevista la salida pa las 15, 25 horas.

Dende'l Bus, camín de Barajas - 1

Dende'l Bus, camín de Barajas - 2

Dende'l Bus, chegandu a Barajas - 3

Díbamos volare cun "Emirates", una llínia que you untavía nun conociera peru que cuntaba cun mui bonas referencias y cuna que pué facese el "check-in on-line" al trabiés d'internet cuna facilidá qu'eillu supón nel momentu de faturare l'equipax.

La T-4

La tarxeta d'embarque pué llevase nel "smart phone" ou impresa peru nesti cabeiru casu si nun tiés posibilidá d'imprimila tu mesmu, l'emplegau d'Emirates que tá faturandu'l tou equipax, te dará una copia de lu que yá ta rexistráu, cul consigiente aforro nel tiempu d'espera.

¡¡¡Ya tamos nel avión y el viax entama braeiramente!!! Enantias de salire l'azafata reparte tuballas calentinas pa relaxanos un pouquín del calor y la espera.

Dende l'avión, untavía nel aeropuertu

Son las 15,25 y l'avión (Boeing) despega cun destinu Dubai onde chegamos a las 00,40 hora llocal (22,40 hora hespannola) y onde tenemos de facere una parada de duas horas pa camudare d'avión (Airbus). La temperatura esterior, siendu nueche pechada, yera de 37 grados, nun quieru sabere cual sedrá la temperatura pul día.

El "duty-free" de Dubai tien un aspeutu impresionante, peru cuasi nun tenemos tiempu de velu, enantias de sigire viax a Xapón, onde chegamos a las 17,35 hora llocal (10,35 hora hespannola) del martes, Xullu y 17.


Xapón dende l'aire - 1

Xapón dende l'aire - 2

Yá tamos en Narita, l'aeropuertu "piquennu" de Tokio (entrúgome cumu sedrá'l grande, Haneda) y tenemos de pasare l'aduana (ensín problemas) peru cun mueita xenti pa pasala lu que nos lleva alreol d'una hora, llueu la recoyida l'equipax (fou mui rápida), dimpués sacare dineiru del país nun caxeru automáticu (el cambiu ye siempres miyor cuna VISA que camudandu los euros pur yenes) y pur fin camudamos los resguardos del JR Rail Pass xaponés que vamos usare la selmana viniente pa visitare Kioto y Nagoya.

Echéi faltare un "Afayaivos en Xapón" peru... tou chegará!!!

Dimpués de selce horas efeutivas de vuelu, más cincu horas d'espera nos aeropuertos más las cuatru horas del viax nel cochellinia dende Llión, más outras cincu horas pa pasare l'aduana, facere tolos trámites que vos digu enantias y facere'l recorríu en metru dende l'aeropuerto ata la ciudá, tábamos braeiramente cansadas cuandu ¡¡¡por fin!!! chegamos a l'hotel, alreol las 22,00 horas (15,00 hora hespannola). Yera nueite pechada purque eiquí fácese nueche a las 19,00 horas y dimpués de duchanos y xantare unas galletas purque cul camudamientu l'horariu nun sabíamos si teníamos de cenare ou eichare las cincu, fuimos pa la camina y dormimos tola nueitu cumu anxelines.

Solu queda dicivos qu'Emirates fou na nuesa opinión un aciertu pa viaxare. El personal ye braeiramente encantador y cumu hai xenti de mueitísimos países, siempres hai dalgún/a azafato/a que fala espannol, lu que pué sere interesante pa mueita xenti. Los aviones son mui bonos y l'espaciu ente asientos nel trayeutu Dubai-Tokio ye superior a lu normal. Amás, nos dos aviones ca pasaxeiru tien una tele nel asientu d'alantre cun información, xuegos y películas y la comida ye mui bona sobru tou pa los standares de comida d'avión na clase turista, cun bebidas de baldre (esceutu'l champán) y cun precios que son de los miyores del mercau (solu alcontréi preciu más baraitu n'Aeroflot peru cun escalas mueitu más llargas).

Mannana vos cuntarei cumu fou'l primer día en Tokio!!!

No hay comentarios:

Pregón del I Encuentro de Cultura Tradicional "Valle de Gordón"

La Pola de Gordón, 14 de mayo de 2022 Buenas tardes: Es para mí un gran honor pregonar este I Encuentro de Cultura Tradicional “Valle de...